Турнинг энг эътиборли ва шиддатли ўтган баҳсларидан бирида «Динамо» Самарқандда «Нефтчи» жамоасини қабул қилиб минимал ҳисобда мағлуб бўлди.
Бутун учрашув давомида устунлик Баҳром Ҳакимов шогирдлари қўлида бўлсада, вазиятларни голга айлантириш борасида жамоага омад кулиб боқмади. Бир қатор футболчиларда бирин-кетин голли вазиятлар юзага келган бўлсада, танаффусгача ҳисоб очилмади. Ҳаттоки, 45-дақиқада Камолиддин Мурзоев пенальти ишлаб, «лоторея»дан ўзи зарба йўллаган бўлсада ундан омад очиқчасига юз ўгирди. Фарғона клуби эса қарши-ҳужумда тўп суриб, бутун ўйин давомида бармоқ билан саноқли вазиятларни яратди. Шулардан бирида 63-дақиқада Мурод Бобожонов қарши ҳужумда Муҳиддин Худоёров дарвозасини ишғол этди.
Ўйин якунига кадар мезбонлар ҳужумкорликни икки баробар кучайтирганлигига қарамай, Мурзоев, Шарофутдинов, Юнусов, Бобоқуловлар, Шотурсуновларнинг берган жуда кучли зарбалари гоҳида дарвозабоннинг маҳорати эвазига, гоҳида эса омад туфайли дарвозадан ўрин олмади. Якунда эса ўйиндаги устунлик ҳисобда акс этмади – 0:1. «Динамо» жуда қимматли очколарни бой берди.
Олий Лига. 23-тур.
25 сентябрь (жума)
«Динамо» – «Нефтчи» - 0:1
Ҳакамлар: Б. Намозов (Тошкент), М. Саидқосимов (Тошкент), Р. Нугманов (Тошкент), К. Расулов (Қарши)
Назоратчи: Д. Роман (Тошкент).
ЎзПФЛ вакили: Р. Черников.
Гол: Мурод Бобожонов, 63.
Амалга оширилмаган пенальти: Камолиддин Мурзоев 45 (ноаниқ)
"Динамо": 25.Муҳиддин Худоёров, 5.Илдар Маматказин, 7.Отабек Зокиров (20.Фаррух Шотурсунов, 46), 13.Ҳасан Асқаров (95.Фирдавс Абдусалимов, 80), 16.Акмал Холмуродов, 17.Жасур Азимов (30.Феруз Бобоқулов, 53), 55.Аваз Агалиев, 60.Дилшод Шарофетдинов, 61.Артём Филипосян, 67.Илҳом Юнсуов, 97.Камолиддин Мурзоев.
"Нефтчи": 30.Евгений Черемисин, 7.Мансур Саидов, 9.Шерзод Ҳакимов (10.Мурод Бобожонов, 50), 18.Жавоҳир Расулов, 21.Муҳсин Убайдуллаев, 22.Рўзимбой Аҳмедов (26.Отабек Исроилов, 70), 27.Адриан Кашкавал, 32.Жаҳонгир Меҳмонов, 33.Сардор Раҳмонов, 38.Аббос Махсталиев, 44.Умид Қодиров (8.Акмал Холматов, 90).
Огоҳлантиришлар: О.Исроилов 85, М.Саидов 86.
