Кеча Қўқондаги “Марказий” ўйингоҳда Олий лига 23-туридан ўрин олган “Қўқон-1912” – “Қизилқум” учрашуви бўлиб ўтди.
Ўйинда Рустам Абдуллаев шогирдлари ғалаба қозонишди. Ўзбекистон профессионал футбол лигаси регламентига кўра, ҳар бир учрашувдан кейин мураббийлар энг яхши футболчиларни танлашлари керак бўлади. Кечаги баҳсда энг яхшилар деб ҳар икки жамоа дарвозабонлари эътироф этилишди. “Қўқон-1912” жамоаси дарвозобони Андрей Баклановнинг маҳорати эвазига майдон эгалари уч очкони қўлга киртишди, десак муболаға бўлмайди. Шунингдек, “Қизилқум” посбони Эркин Жабборов пенальтини бартараф этишдан ташқари, бир неча зарбаларни бартараф этди.
Шунинг учун “Қўқон-1912” – “Қизилқум” учрашувнинг энг яхши футболчилари деб – “Андрей Бакланов ва Эркин Жабборовлар тан олинишди.
