Ўзининг антиқ соч турмаклари билан танилган “Барселона” ҳужумчиси Неймар “Лас-Пальмас”га қарши Испания чемпионaти 6-тур учрашувида майдонга сочини қирдириб ташлаган ҳолда чиқиб келди.
Табиийки бу ҳолат кўпчиликда турли саволларни келтириб чиқарди.
Неймарнинг Твиттердаги мухлислар аккаунти (NeyMarvellous)га таяниб Championat.com сайти хабар беришича, 23 ёшли футболчи шу йўл билан саратон хасталигидан азият чеккаётган бувисини қўллаб-қувватлашга қарор қилган.
Эслатиб ўтамиз, “кўк-аноррангилар” мазкур баҳсда 2:1 ҳисобида ғалабага эришди, Неймар эса кечаги ўйинда пенальтидан самарали фойдалана олмади.
