Кеча Сербия Супер Лигасида 11-тур учрашувлари ўтказилди.

Ҳамюртимиз Ҳусниддин Ғофуров тўп сураётган Иваницанинг “Явор” клуби бу турда “Радник” уйига сафар уюштирди. Қизиқарли курашларга бой тарзда ўтган учрашувда “Явор” ғалаба қозона олмади. Учрашувда 1:1 ҳисобидаги дуранг қайд этилди.

Диққатга сазовор жиҳати шундаки, ўйиндаги “Явор”га дуранг олиб келган голга айнан Ўзбекистон терма жамоасига номзод футбҳолчи саналадиган Ҳусниддин Ғофуров муаллифлик қилди.

“Радник” - “Явор”  1:1  

Голлар: Самуэл Овусу (19) -  Ҳусниддин Ғофуров (56)

Ҳамюртимиз ўйинни бошланғич таркибда бошлади ва 56-дақиқада жамоадошлари узатиб берган тўпни рақиб дарвозасига жойлаб қўйишни уддалади. Сўнг 71-дақиқада Ҳусниддин ўз ўрнини жамоадоши Боян Цезаричга бўшатиб берди.

“Явор” ҳозирда 11-турдан сўнг 21 очко билан мусобақа жадвалининг иккинчи поғонасида бормоқда.