БАА чемпионатида 4-тур учрашувлари бўлиб ўтмоқда. Терма жамоамиз ярим ҳимоячиси Азизбек Ҳайдаров фаолият олиб бораётган “Ал Шабаб” жамоаси бу турда ҳам дуранг ўйнади. Сафарда “Банияс” клуби меҳмони бўлган “Шабаб” 1:1 ҳисобидаги дурангга имзо чекди.

Фавад Авананинг 4-дақиқада киритган голига “Шабаб”нинг бразилиялик ҳужумчиси Жо 80-дақиқада жавоб қайтарди. Ҳамюртимиз майдонда тўлиқ 90 дақиқа ҳаракат қилди. “Ал Шабаб” 8 очко билан мусобақа жадвалининг 3-поғонасида бормоқда. Жамоа кейинги ўйинни 16 октябрь куни сафарда “Ал Жазира”га қарши ўтказади.

БАА Про-Лигаси. 4-тур

“БАНИЯС” – “АЛ-ШАБАБ” 1:1

Голлар: Фавад Авана 4 – Жо 80