“Челси” ва Бельгия терма жамоаси ярим ҳимоячиси Эден Азар Sina Sports билан шартнома имзолади ва мунтазам равишда компаниянинг танланган юлдузи сифатида омма эътиборини ўзига жалб қилади. Келишув 2 йилга мўлжалланган, дея Championat.com Ytsports нашрига таяниб хабар бермоқда.
Битимга кўра 24 ёшли бельгиялик Англия Премьер-Лигаси ва Чемпионлар Лигасига боғлиқ мавзуларни футбол мухлислари билан муҳокама қилади, шунингдек, “Челси”га оид эксклюзив янгиликлар ва фотосуратларни баҳам кўради.
Аввалроқ Англия терма жамоасининг собиқ ўйинчилари Гари Невилл ва Майкл Оуэн, қолаверса “Реал” собиқ устози Карло Анчелотти ҳам Sina Sports билан келишув имзолаганди.
Қайд этиш жоиз, Sina Хитойдаги энг йирик янгилик сайти ҳисобланади.
