“Машъал” – “Бунёдкор” учрашувидан кейинги матбуот анжуманининг иккинчи қисмида “газчилар” устози иштирок этди.

- Бугун натижадан жуда хурсандман. Чунки “Бунёдкор”ни бугунгача ҳеч ҳам ютмаган эдик. Шу боисдан ҳам тарихий ғалаба мени икки ҳисса хурсанд қилди. Йигитлар ўз номларини клуб тарихига ёздириб қўядиган бўлишди. Бугун яхши ўйнадик ва ҳақли равишда ғалаба қозондик. Бундай ўйинларга футболчиларни алоҳида руҳлантириш шарт эмас, деб ўйлайман. Шунчаки, йигитлар нуфузи баланд ва тарихга кириш имкони бўлган ўйинларга ўзлари руҳан тайёрланишлари керак, - дейди Александр Хомяков.