“Машъал” – “Бунёдкор” учрашувидан кейинги матбуот анжуманида биринчи бўлиб “қалдирғочлар” устози қатнашди.

- Аввал “Машъал”ни ғалаба билан табриклайман. Майдонда кескин кураш кечди. Мағлубиятимизга етакчиларимизнинг салбий хатолари таъсир кўрсатди. Хайрулла Каримов керакчиз жойда қизил карточка олди. Иван Милошевич эса кутилмаган вазиятда пенальти сабабчиси бўлди. Бу – футбол! Режамизга кўра захирадан етакчи футболчиларни туширмоқчи эдик. Афсуски, кераксиз пенальти ва жароҳатлар режаларимизни ўзгартириб юборди. Керакли хулосаларни қабул қиламиз ва ўйинимизни тахлил қиламиз. “Машъал” яхши жамоа. Улар фикримча тўғри йўлдан кетишяпти. Муборак жамоаси асосий урғуни маҳаллий футболчиларга қаратган. Лушчаннинг бош мураббийликдан кетишини аввало уни ўзи истади. Клуб олдига жиддий вазифалар қўйилганди. У вазифаларни бажара олмагач ўзи кетишга қарор қилиб, ариза билан раҳбариятга мурожаат этди. Жамоамиз ёш футболчилардан иборат. Ҳозир биз кўпроқ ёш авлодга имкон беряпмиз. Шу боисдан ҳам натижаларимиздан паст-баладликлар бўлиб турибди. Кубок финали ҳақида нима дейишим мумкин? Финал бу – финал! Имкониятлар элликка эллик деб ўйлайман. Финал битта ўйиндан иборат. Ким ўз имкониятларидан фойдалана олса, ўша жамоа ғолиб чиқади, деб ўйлайман, - дейди Бахтиёр Бобоев.