"Пахтакор" - ўзбек футболи ривожига катта ҳисса қўшган клуб. Нафақат Ўзбекстонда, балки Осиёда ҳам бу клубни билишади, танишади, керак булса ҳурмат қилишади.

Клуб уз номига ярашмайдиган ишлар билан банд кўринади охирги пайтда. "Пахтакор" ҳақида айтилаётган гаплар бежиз эмас экан, айниқса, Абрамовнинг кинояси.

Ўзбекистонда келишилган ўйинлар йўқ, деб бизни ишонтириб келаётганди ЎФФ, кўрайликчи, энди буёғига қандай йўл тутар экан бу ташкилот.

Ҳар ҳолда ишни ярмида ташлаб кетмаса керак? ЎФФнинг кейинги қарори барчани бирдек қизиқтираётгани табиий, чунки келишилган ўйинда фақат бир жамоа жазоланмаса керак?

Тўғри, бу Италия эмас, "Ювентус"дек клубни қуйи лигага қадар равона қиладиган, лекин номига булса ҳам "шер"ларни жазолашса керак.

"Пахтакор" жазодан қутилиб қолса ҳам хафа булманг, бундай буюк жамоа учун отилаётган харсанг тошларнинг ўзи ҳам катта жозо аслида.


Кучли эдинг бир пайтлари,
Энди сенга қийин бўлди.
Чемпионлик курашида
Келишилган ўйин булди.

Аввал тўлган стадионинг
Мухлисларга тўлмай қолди.
Ўйининг ҳам нимагадир
Олдингидек бўлмай қолди.

Тоғдек баланд ғурурингни,
Айтгин, кимлар ер қилдилар?
Ўзбек халқ жамоасини
Қуёнюрак шер қилдилар...

Ҳалол ўйин аҳдин буздинг,
Темир кубок оламиз деб.
Келишибсан рақиб билан,
Биз чемпион бўламиз деб.

Дунёларга машҳур бўлган
Номинг қани, "Пахтакор"им?
Энди кимларнинг қўлида
Кунинг қолди, "Пахтакор"им?

Бўлди, етар, ғирромликлар,
Ҳалол ўйин бўлсин футбол.
Йўқса агар биз розимиз,
Ўлақолсин, ўлсин футбол!

Мирзааҳмад Мубораков
01.10.2015