Италиялик футбол мутахассиси Фабио Капелло Лондоннинг "Челси" клуби бош мураббийи Жозе Моуриньо ҳақидаги фикрларини билдирди.
"Моуриньо - стратегияни яхши биладиган мураббий. У ҳозир қийин вазиятни бошидан кечирмоқда. У клубдан ўзига ишониш-ишонмасликларини сўрашгача бориб етди. Клуб эса уни қўллаб-қувватлашини маълум қилди.
Жозе - ажойиб мураббий, аммо у бир ярим йилда футболчиларини руҳан азоблайди. Натижада ўйинчилар ҳеч нарса қила олишмайди ва сафдан чиқишади. Унинг кўрсатмаларни бажара олишмайди.
Одатда Моуриньо тахминан бир ярим йил давомида яхши натижалар кўрсатади. Унинг "яроқлилик муддати" 1,5 йилни ташкил қилади", - дейди у.
"Челси"га ҳозирда барқарорлик, ўйин темпи ва тажоввузкорлик етишмаяпти. Иванович аввалгидек ўйнай олмаяпти. Куртуанинг ўрни билиниб қолмоқда", дейди Капелло Паоло Ди Канио муаллифлигидаги House of Football кўрсатуви (Fox Sports) канали орқали.
