“Ливерпуль” собиқ ярим ҳимоячиси Жейми Реднапп жамоага Юрген Клоппнинг келишини илиқ қаршиламоқда.

Реднаппнинг сўзларига кўра германиялик мутахассис ўз ишининг ҳақиқий “жинниси”.

– Клопп? У телбанамо одам. Лекин менга унинг услуби ёқади, – дея Реднапп сўзларини келтиради Bild хабарига асосланиб “СЭ”.

Эслатиб ўтамиз, Клопп қониқарсиз натижалар қайд этгани учун истеъфога чиқарилган Брендан Рожерс ўрнини эгаллаши кутилаётган асосий номзод деб ҳисобланаяпти.

Охирги 9 та учрашувда “Ливерпуль” атиги битта ғалаба қайд этди ва Англия премьер-лигаси мусобақа жадвалида 10-ўринда бормоқда.