“Челси” устози Жозе Моуриньо 2013 йилда “МЮ” бош мураббийи бўлиши мумкин эди.
Португал мутахассисининг айтишича, сэр Алекс Фергюсоннинг шахсан ўзи Жозега “Юнайтед”ни бошқаришни таклиф этган экан.
- Мен Фергюсон билан жуда яхши муносабатдаман. У билан ўртамизда сир йўқ. Алекс менинг “Реал”дан кетиш ниятим бор эканини биларди. Ўшанда у мураббийлик фаолиятини тугатмоқчилигини айтиб, “МЮ”ни бошқаришни исташимни сўраганди. Аммо менга “Челси”да ишлаш кўпроқ ёқади ва шу сабабли Лондон клубини афзал кўргандим, - дейди Моуриньо.
Таъкидлаб ўтамиз, сэр Алекс Фергюсон “қизил иблислар”ни 26 йил давомида бошқариб, 2013 йилда катта футболдан кетганди.
