"Ливерпуль" жамоасининг янги бош мураббийи Юрген Клоппнинг шартномаси ҳақидаги маълумотлар ошкор қилинди.
The Telegraph хабарига кўра мерсисайдликлар германиялик ушбу мутахассис билан 3 йиллик битим тузишган ва унга йилига 7 млн фунт маош тайинлашган.
Эндиликда 48 ёшли мутахассис АПЛда энг юқори маош оладиган мураббийга айланди.
Бироз олдинроқ, инглизлар у билан шартнома тузгани ҳақида расман маълум қилинганди.
Маълумот учун, Клопп 2001 йилдан 2008 йилгача "Майнц-05" жамоасида, 2008 йилдан бошлаб эса (2014 йилгача) "Боруссия Д" жамоасида фаолият кўрсатган.
