“Манчестер Юнайтед” дарвозабони Виктор Вальдес жамоадошларидан тобора узоқлаштирилмоқда, деб ёзган The Guardian хабарига таяниб “СЭ”.

33 ёшли голкипер ҳатто “Қизил иблислар”нинг ёшлар жамоаси таркибидаги машғулотлардан ҳам четлатилди.

Бу ҳам етмагандек клуб кийиниш хонасида шкафдан ҳам фойдалана олмаяпти. Испаниялик футболчининг машғулотлар графиги шундай тукзиб чиқилганки, у асосий таркибдаги футболчиларга асло тўқнаш келмайди, агар жамоа машғулотлари тонгда бўлса Вальдесники пешин вақтида ўтказилади ёки аксинча.

Эслатиб ўтамиз, “Барселона” собиқ посбони “Юнайтед” бош мураббийи Луи ван Гал билан ўтган мавсум сўнггида ёшлар жамоасида таркибида ўйнашни истамаётганини айтганидан кейин ушбу можаро ўз юқори чўққисига чиқди.

Шу воқеадан кейин испаниялик дарвозабон таркибдан четлаштирилди. Кейин голкипернинг клубдаги келажаги ҳам катта сўроқ остида қолди. Аммо ёзги трансерлар вақтида Вальдесни ижарага оладиган, харид қиладиган ёки эркин агент сифатида имзолайдиган жамоа топилмади.