Миллий Баскетбол ассоциациясида иштирок этиб келаётган “Нью-Йорк” клубига тегишли 201та ўйиндан иборат рекорд тўхтатилди. Гап шундаки, жамоанинг уй учрашувлари ўтказилувчи Madison Square Garden саройи ўз бағрига 19 812 томошабинни сиғдира олади.

2010 йилдан бери ушбу аренада ўтказилган ўйинларга чиқарилган чипталарнинг бари 100 фоиз сотиб келинган. “Бауру” клубига қарши кечган мавсумолди ўртоқлик ўйинида эса гарчи “Нью-Йорк” 100:81 (25:24, 19:36, 20:22, 17:18) ҳисобида зафар қучган бўлсада, арена тўлмай қолди. Аниқроғи, 19 307 томошабин ўйинни бевосита аренадан кузатди. Бу эса рекорднинг узилишига сабаб бўлди.