Евро-2016’нинг гуруҳ босқичида Испания терма жамоаси ўз майдонида Люксембургни йирик ғалаба билан мағлуб этиб, ўзига муддатидан аввал Европа чемпионатининг финал босқичига чиқишни таъминлади. Учрашув Логроньода бўлиб ўтди ва 4:0 ҳисобида испанларнинг ғалабаси билан якунланди.
Учрашувнинг 42-дақиқасида испанлар яримҳимоячиси Санти Касорла ҳисобни очди. 2-бўлимнинг 67- ва 80-дақиқаларида ҳужумчи Пако Алькасер иккита тўп уриб, дублга эришди. Учрашувдаги якуний ҳисобни 85-дақиқада Санти Касорла ўрнатди.
Евро-2016. Гуруҳ босқичи. С гуруҳи
Испания – Люксембург – 4:0
Голлар: Касорла, 42, 85; Алькасер, 67, 80;
Гуруҳдан ўрин олган яна бир учрашувда Украина меҳмонда Македония билан тўқнашди ва 0:2 ҳисобида ғалабага эришди. Учрашувдаги 1-тўпни 59-дақиқада пенальтидан учраиналиклар ҳужумчиси Евгений Селезнёв, 2-тўпни 87-дақиқада ҳужумчи Артём Кравец киритди.
Македония – Украина – 0:2
Голлар: Селезнёв, 59; Кравец, 87
Беларусь меҳмонда Словакия билан учрашиб, Станислав Драгуннинг 34-дақиқадаги голи эвазига 0:1 ҳисобида ғалабага эришди.
Словакия – Беларусь – 0:1
Голлар: Драгун, 34
Шу тариқа, С гуруҳидаги мусобақа жадвали 9 турдан кейин қуйидагича кўриниш олди:
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Испания | 9 | 8 | 0 | 1 | 22-3 | 24 |
| 2 | Украина | 9 | 6 | 1 | 2 | 14-3 | 19 |
| 3 | Словакия | 9 | 6 | 1 | 2 | 13-6 | 19 |
| 4 | Беларусь | 9 | 3 | 1 | 5 | 8-14 | 10 |
| 5 | Люксембург | 9 | 1 | 1 | 7 | 4-23 | 4 |
| 6 | Македония | 9 | 1 | 0 | 8 | 6-18 | 3 |
Гуруҳ босқичининг охирги турида 12 октябрда Беларусь-Македония, Люксембург- Словакия, Украина-Испания учрашувлари бўлиб ўтади.
