Жамоамиз дарвозабони Элдорбек Суюнов ва ҳимоячимиз Шуҳрат Муҳаммадиев терма жамоадан клуб иҳтиёрига қайтиб келишди.

Ўзбекистон терма жамоаси куни кеча Баҳрайнга қарши сафарда ЖЧ-2018 саралаш босиқичи доирасидаги 5-тур учрашувини ўтказди ва йирик ғалабага эришди.

Ушбу беллашувда жамоамизнинг иккала аъзоси ҳам иштирок этмади.

Мамлакатимизнинг бош жамоасига чақирилган футболчиларимиз Элдорбек Суюнов ва Шуҳрат Муҳаммадиев клуб қароргоҳига қайтиб келишди ва жамоамиз машғулотларига қўшилишди.

Рўзиқул Бердиев бошчилигидаги жамоамиз "Нефтчи" билан бўладиган баҳсга жиддий ҳозирлик кўрмоқда.

Олий лиганинг 25-туридан ўрин олган "Насаф" - "Нефтчи" ўйини 12 октябрь куни Қарши шаҳридаги "Марказий" ўйингоҳда бўлиб ўтади.