"Манчестер Юнайтед"нинг собиқ бош мураббийи Алекс Фергюсон Жозе Моуриньонинг "Челси"да яна муваффаққият қозонишига ишонмоқда.
"Ўйлашимча, Жозе бундай оғир вазиятда "Челси" хўжайини Роман Абрамовичнинг қўллаб-қувватлашини истамоқда. Баъзан сенга қўллаб-қувватлаш керак бўлиб қолади, аммо ўйлашимча, Моуриньо бундай қувватлашни олган. У тўғри қарор чиқара олади ва "Челси"ни инқироздан олиб чиқа олади. Албатта, бунга бир неча ҳафта керак бўлади, аммо унутмангки, жамоа жароҳати туфайли Тибо Куртуани йўқотган.
Моуриньонинг бир хислатига қойил қолиб келганман - унинг жамоаси ҳар доим у учун жанг қила олади. У тўғри қарор қабул қилиши керак ва жамоа тўғри йўлга қайтади", - дейди Фергюсон.
Эслатиб ўтамиз, "Челси" АПЛ жадвалида 16-поғонада бормоқда.
