Россия футбол иттифоқи раҳбари Виталий Мутко Молдова терма жамоаси ишқибозларининг Россияга қарши ўйиндаги хулқи ҳақида УЕФАни бохабар қилишини маълум қилди. Бу ҳақда «Sports.ru» хабар бермоқда.
Эслатиб ўтамиз, Евро-2016 саралаш баҳслари доирасида Молдовада бўлиб ўтган баҳс 2:1 ҳисобида Россия терма жамоаси ғалабаси билан якунига етган эди.
«Агар учрашув ҳисоботида молдовалик футбол ишқибозларининг ҳақоратли ҳайқириқлари ҳақида маълумот келтирилмаган бўлса, бунга УЕФА эътиборини РФИ қаратади», — деди Мутко.
Қайд этишларича, учрашув давомида Молдова терма жамоаси мухлислари ўйин давомида Россия терма жамоаси шаънига номаъқул ҳайқириқлардан фойдаланган.
