Мексика терма жамоаси 2017 йилги Конфедерациялар Кубогида иштирок этиш йўлланмаси учун кечган баҳсда АҚШни мағлубиятга учратди.
Ўйиннинг асосий вақти 1:1 ҳисобида якунланди - Хавьер Эрнандеснинг голига Жоэфф Кэмерон ўзининг аниқ зарбаси билан жавоб қайтарди.
Қўшимча бўлимларда биринчи бўлиб яна мексикаликлар рақиб дарвозасини ўққа тутишди – бу сафар катта саҳнага Орибе Перальта чиқди. Аммо америкаликлар Бобби Вуднинг зарбасидан сўнг яна ҳисобни тенглаштирдилар.
Қўшимча вақт тугашига 2 дақиқа қолганида “Америка” ҳимоячиси Поль Агилар томонидан киритилган гол Мексика терма жамоасига ғалаба келтирди.
КОНКАКАФ Кубоги. Финал
Мексика –АҚШ – 3:2 (1:1)
Голлар: 1:0 – Эрнандес, 10; 1:1 – Кэмерон, 15; 2:1 – Перальта, 96; 2:2 – Вуд, 108; 3:2 – Агилар, 118.
Эслатиб ўтамиз, аввалроқ Россия (турнир мезбони), Германия (жаҳон чемпиони), Австралия (Осиё Кубоги- 2015 ғолиби) ва Чили (Америка Кубоги- 2015 ғолиби) Конфедерациялар Кубоги-2017да иштирок этиш ҳуқуқини қўлга киритганди.
Келаси йилнинг ёзида Европа ва Океаниядан Россияга борувчи яна 2 терма жамоа аниқланади. Конфедерациялар Кубоги-2017нинг сўнгги иштирокчиси эса 2017 йил январда Африка Кубоги ўйинлари ниҳоясига етгач маълум бўлади.
