«Ливерпуль» клуби ижрочи директори Иэн Эйр FIFA 15 ўйинида тажриба тўплагани туфайли жамоа бош мураббийлигига даъво қилиб таклиф йўллаган мухлисга расман рад жавобини берди.
"Қадрли мистер Нил, бизга «Ливерпуль» жамоаси бош мураббийлигини эгаллаш мақсадида йўллаган таклифингиз учун раҳмат. Афсуски, биз бу талабингизни қаноатлантира олмаймиз, чунки сизга қараганда тажрибалироқ бўлган профессионал мураббий қидирмоқдамиз.
Сиз FIFA 15 ўйинида «Портсмут»ни иккинчи дивизиондан АПЛга олиб чиқиб, тўрт йил давомида уни чемпион қилганингиз борасидаги тажриба ҳақида эса шуни айтишимиз мумкинки - бу бизга керак бўлган тажриба эмас. Аммо нима бўлган тақдирда ҳам, жамоа бошқарувига қизиқиш билдирганингиз учун раҳмат, умид қиламизки, келажакда сиз билан кўришишга муваффақ бўламиз", - дея расмий жавоб хати йўллайди Эйр.
Эслатиб ўтамиз, ўтган ҳафтада Юрген Клопп «Ливерпуль» бош мураббийи сифатида тайинланди.
