Кеча Сербия Супер Лигасида 13-тур учрашувларига старт берилди.

Кун доирасидан ўрин олган қизиқарли беллашувлардан бири мусобақа жадвалида етакчилар қаторида бораётган “Явор” ҳамда “Младост” жамоалари ўртасида кечди. Шиддатли курашларга бой тарзда ўтган мазкур матч нурсиз дуранг билан якунланди – 0:0.

 

“Явор” – “Младост” 0:0

 

Учрашувда ҳамюртимиз Ҳусниддин Ғофуров кутилганидек асосий таркибда майдонга тушди ва 78 дақиқа ўйнади. У 78-дақиқада ўз ўрнини Иван Йозовичга бўшатиб берди.

Шу тариқа, “Явор” энди 13-турдан сўнг мусобақа жадвалида 23 очко билан 3-поғонани банд этиб турибди. Иваницаликлар кейинги учрашувни 18 октябр куни ўзини изма-из таъқиб қилиб келаётган “Партизан”га қарши ўтказишади.