Футбол бўйича Непал терма жамоасининг беш нафар собиқ ва ҳозирги ўйинчилари, жумладан, унинг капитани Непал полицияси томонидан келишилган ўйинларни ўтказишда айбланиб, ҳибсга олинди, дея хабар бермоқда «ТАСС» Непал ОАВларига таяниб.
Полиция расмий вакили сўзларига кўра, ушбу футболчилар 2008 йилдан буён олдиндан шартлашилган натижали ўйинларни ўтказишда айбланмоқда. Бунда гап Непал жамоаси иштирок этган хорижий турнирлар ҳақида ҳам бормоқда. Маълумотларга кўра, мазкур ўйинчилар миллий ва халқаро букмекерлар билан тил бириктириш натижасида ютқазиш эвазига бонуслар олган.
Текширув айни пайтда бошланғич босқичда бўлиб, бу фирибгарликка Непал Футбол Федерацияси мансабдорлари алоқадор бўлган-бўлмаганини ҳозирча айтиб бўлмайди.
