Кеча бўлиб ўтган "Қизилқум" - "Машъал" (2:3) учрашувидан сўнг матбуот анжумани бўлиб ўтди. Унда меҳмонлар бош мураббийи Александр Хомяков иштирок этди ва саволларга жавоб қайтарди.

"Бу ўйин мухлисларга жуда ҳам ёқди. Мен йигитларни ғалаба билан табриклайман. Улар ўзларини энг ажойиб ўйинини кўрсатди. Ўйиндан олдим билар эдим. Навоий жамоасини мухлислар яхши қўллаб-қўвватлайди ва бизга оғир бўлади. Нафақат ўйинчиларни балки стадионга келиб бизни қўллаган мухлисларни ҳам табриклайман. Ўйиндан қониқдим"

Мен ўйиндан олдин шогирдларимга айнан шу натижани кўрсат деб айтмайман. Мазмунли ўйин ташкил этса натижа келаверади. Футболдан олдиндан бирон натижани ҳеч ким билмайди. Шу боис биз футбол мухлисимиз.

Умуман олганда бутун мавсумни нотекис ўтказдик. Бу борада муаммоларимиз бор. Рақибга қараб ўйин ташкил этилмоқда ва футболчилар руҳияти бунга сингиб қолган. "Олмалиқ" ҳам, "Бунёдкор" ва "Қизилқум" ҳам кучли жамоалардир. Ишонаманки жамоамиз кейинги ўйинларда ҳам натижа кўрсата олади. Вазифамиз ўтган йилга нисбатан яхшироқ натижани эгаллаш эди. Кучли бешликка кира олмаслигимиз аниқ бўлди. Иккинчи давра ёмон ўйин кўрсатмадик. Кейинги йилда жуда катта мақсадлар қўйганмиз".