Сўнгги тур баҳси «Динамо» - «Бунёдкор» (1:1) учрашувида бош ҳакам Владислав Цейтлин томонидан сариқ карточкага лойиқ кўрилган ҳимоячимиз Артём Филипосян дисквалификация туфайли навбатдаги турни ўтказиб юборадиган бўлди.
«Бунёдкор» билан ўйинга қадар футболчимизда сариқ карточкалар сони 3 тага етганди ва бу ўйинда ҳам Филипосян ҳакам томонидан огоҳлантирилди. Натижада ушбу марказий ҳимоячимиз 26-тур доирасидаги «Машъал»га қарши учрашувни ўтказиб юборишга мажбур. Артёмнинг жорий мавсумдаги сариқ карточкалари сони 8 тага етди. Қолган барча футболчилар ушбу ўйинда жамоамизга ёрдам беришга тайёр.
Эслатиб ўтамиз, 26-турга старт берувчи «Машъал» - «Динамо» учрашуви 20 октябрь, сешанба куни Муборакда бўлиб ўтади.
