Бугун XXI Ўзбекистон чемпионати 19-турининг икки учрашуви бўлиб ўтди. Турнинг марказий учрашуви Бекобод шаҳрида “Металлург W” – “Андижанка” жамоалари ўртасида бўлиб ўтди. Учрашувда кутилмаганда дуранг натижа қайд этилди. Бекободлик футболчи қизлар жамоаси меҳмонларни мағлубиятга учрата олишмади.
Бу натижа Қаршининг “Севинч” жамоасини муддатидан олдин ўн биринчи марта Ўзбекистон чемпионига айлантирди. Чунки жамоамиз ҳисобида 19 учрашувдан сўнг 57 очко бор. Турнир жадвалининг 2-поғонасида бораётган Бекободнинг “Металлург W” жамоасининг бугунги ўтказган 19-учрашувидан кейин очколари сони 47та бўлди. Демак, чемпионатнинг қолган уч учрашувида “Металлург W” жамоаси ғалаба қозонган тақдирда ҳам “Севинч” жамоасининг ҳозирги тўплаган очколари сонида бир очко кам бўлиб қолади. Аммо жамоамиз олдида ҳам ҳали учта учрашув бор.
Шундай қилиб, “Севинч” жамоаси муддатидан аввал ўз тарихидаги ўн биринчи чемпионликни расмийлаштириб қўйди!
