“Челси” бош мураббийи Жозе Моуриньо “Реал” билан Чемпионлар лигасидаги муваффақиятсизликлари ҳақида гапириб ўтди.

“Мен “Реал”га келгунимга қадар клуб деярли ўн йилдан бери чорак финалгача етиб боролмаётганди. Нимчоракда “Лион”га дуч келганимизда ҳаммани ваҳима босди. Биз бу тўсиқни енгиб ўтдик ва жамоа ўзгарди. Турнирда ғалаба қозонамиз деб ўйлагандик, бироқ уч йил давомида ярим финалгача етиб бордик ва бир қатор сабаблар туфайли ундан ўта олмадик.

Энг аламли мағлубият “Бавария” билан бўлган пеналтилар серияси эди. 2014-йилда “Реал” ҳақли равишда ғалаба қозонди ва мен ҳам мамнун бўлдим”, — дея таъкидлади Моуриньо.