БАА терма жамоаси футболчиси Абдулла Қосим миллий терма жамоа мураббийи Маҳди Алини танқид қилгани учун уч ойлик қамоқ жазосига тортилди.
Терма жамоага чақирилмаганини билгач, футболчи мураббий номига ҳақоратлар ёғдирди. Натижада у ва бу сўзларни видеотасвирга олган шериги инсонни ҳақорат қилиш учун техник воситаларни ишга солишда ва аҳлоқсизликда айбдор деб топилдилар.
Эслатиб ўтамиз, икки футболчи ҳам ўз клубларининг машғулотларидан четлатилганлар. Футболчининг адвокати видео Қосимнинг хабарисиз интернетга чиқиб кетган, бош мураббий эса уни айбламоқчи бўлмаган.