"Манчестер Сити"нинг аргентиналик ҳужумчиси Серхио Агуэро яна бир ой майдонга туша олмайди. Бу ҳақида "Sky Sports" нашри хабар бермоқда.
Манбада келтирилишича, ҳужумчининг тўпиғидан олган жароҳати ҳали ҳамон безовта қилмоқда. Тикланиш жараёнини ўтказаётган Серхио ушбу жароҳатни Эквадорга қарши ЖЧ-2018 саралашидаги учрашувда орттириб олганди. Демакки, эртага "шаҳарликлар"нинг "Севилья"га қарши ўйинида мухлислар Агуэрони майдонда кўрмасликлари аниқ.













