Ёшларимиз Жиззахда “Сўғдиёна”га қарши куч синашиб сўнгги дақиқаларда ғалабани қўлдан чиқаришди.   Голларга бой кечган баҳснинг 22-дақиқасида мезбонлар ҳисобни очган бўлишсада, ёш, умидли ҳужумчимиз Бобур Абдуҳолиқов орадан етти дақиқа ўтиб, мувозанатни тиклади. 32-дақиқада мезбонлар яна Алибек Туробов қўриқлаётган дарвозани аниқ нишонга олишди. Аммо биринчи бўлим якунланишига олти дақиқа қолганида Дилшод Хушбаков 11-метрлик жарима зарбасидан орадаги фарқни йўққа чиқарди.   Иккинчи бўлим ўрталарига келиб Сирожиддин Қўзиев бош ҳакам томонидан иккинчи бор огоҳлантирилиб, майдонни муддатидан олдин тарк этди. Шунга қарамай Муҳаммедраҳимов шогирдлари ташаббусни ўз қўлларига олишди ва 76-дақиқада Ислом Рашидхоновнинг голидан кейин ёшларимиз ўйинда илк марта ҳисобда олдинга чиқиб олишди – 2:3. Аммо бу ўйиндаги сўнгги гол эмасди. Ҳакам томонидан қўшиб берилган дақиқаларнинг сўнггисида мезбонлар мағлубиятдан қутулиб қолишди. М.Мелиевнинг зарбасидан кейин тўп ёш футболчиларимиз қўриқлаётган дарвоза тўрига бориб тушди -3:3.   Ёшлар лигаси, 26-тур. 20.10.2015.   “Сўғдиёна” (Жиззах) – “Насаф” (Қарши) – 3:3.   Жиззах. 58 томошабин.   Ҳакамлар: Э. Турсунов (Бухоро) – 8,0, Ш. Файзиев – 8,2, М. Турдиев – 7,8, М. Аъзамов - 8   Назоратчи: И. Шарипов (Бухара).   Голлар: Н. Ибрагимов (22), М. Тўраев (32), М. Мелиев (90+4) – Б. Абдуҳоликов (30), Д. Хушбаков (39-пеналтидан), И. Рашидхонов (76).   Огоҳлантириш: Ш. Суярқулов (38), Н. Ибрагимов (48), Ш. Абдуллаев (58) – С. Очилов (15), А. Туробов (32), С. Қўзиев (34), Б. Абдуҳолиқов (71), А. Мурадов (79).   Четлатиш: С. Очилов (иккинчи огоҳлантириш, 64).