"Ана холос" рукнимизни орқали футбол оламидаги қизиқарли маълумотларни эътиборингизга ҳавола этишда давом этамиз. Бугунги қаҳрамоналримиз "Реал" етакчилари Марсело ва Криштиану Роналду.
Испания Ла Лигасининг 8-турида Мадриднинг “Реал” клуби ўз уйида “Леванте”ни қабул қилди. Мазкур беллашувда Марсело ва Криштиану Роналду биттадан гол уриб, ажойиб натижа қайд этишди.
Гап шундаки, мезбонларнинг бразилиялик чап қанот ҳимоячиси Марсело 27-дақиқада учрашувдаги ва бу мавсумдаги ўзининг биринчи голини киритган. Қизиқ томони Марсело ҳозирда 27 ёш. Жамоанинг юлдузи Роналду 30-дақиқада ўз номини таблога ёздириб қўйди. Ҳозирда португалиялик футболчи 30 ёшни уриб қўйган.
Эслатиб ўтамиз, ушбу беллашувда “қироллик клуби” 3:0 ҳисобида зафар қучган эди.
