Кеча Сербия Супер Лигасида 15-тур учрашувларига старт берилди.
Кун доирасидан ўрин олган қизиқарли ўйинлардан бири Иваницада “Явор” ҳамда “Ягодина” клублари ўртасида кечди. Анчагина шиддатли кўриниш олган матч кутилмаганда 1:1 ҳисобида якунланди. Мавсумни жуда яхши бошлай олаган “Явор Матис” секин-аста мусобақа жадвалида пастлай бошлади.
“Явор Матис” – “Ягодина” 1:1
Голлар: Стефан Дражич (78) – Урош Николич (38)
Ҳамюртимиз Ҳусниддин Ғофуров тўп тепаётган мазкур клуб энди 2-поғонадан 6-ўринга тушиб қолди. Кечаги баҳсда Ҳусниддин ўйинни бошланғич таркибда бошлади ва 75 дақиқа ўйнади.
Александар Янич бошқарувидаги “Явор” навбатдаги ўйинини 1 ноябр куни ўз уйида “Нови Пазар”га қарши ўтказади.
