Ёшлар лигасининг 27-турида жамоамиз ўринбосарлари "Бунёдкор" билан куч синашишди.
Учрашув шиддатли ҳужумлар орқали бошланди. Ҳар иккала жамоа ўйин бошланишидан билан ўз омадларини рақиб дарвозаси олдидан қидира бошлашди. Жамоамизнинг бир қатор ҳужумларини шу куни "Бунёдкор" ёшлари жамоаси дарвозасини қўриқлаган Акбар Тўраев бартараф этган бўлса, баъзи вазиятларда омад юз ўгирди. Азиз Ғаниев, Бобир Абдухолиқов ва Дилшод Хушбаковнинг зарбаларини хавфли чиқди, аммо тўп дарвоза тўридан ўрин олмади.
Биринчи бўлимнинг 26-дақиқасида "Бунёдкор" ёшларининг қанотдан уюштирган комбинацион ҳужумларини Вячеслав Пурак самарали тарзда якунлади ва жамоасини ҳисобда олдинга олиб чиқди - 0:1.
Ўтказиб юборилган голдан сўнг вакилларимиз олдинга интилишди. Бироқ юзага келтирилган вазиятларни голга айлантиришда оқсадик.
Биринчи бўлим тугашига тўққиз дақиқа қолганида, аниқроғи ўйиннинг 36-дақиқасида "Бунёдкор" ёшларининг ўнг қанотдан ташкил этган ҳужумини Миржамол Қосимов ўзининг аниқ зарбаси билан дарвозани ишғол этди ва орадаги фарқни иккитага оширди - 0:2.
Биринчи бўлим меҳмонларнинг ҳисобдаги устунликги билан якунланди.
Иккинчи таймда жамоалар тенг ўйин намойиш этишди. Жамоамиз футболчилари шу куни юзага келтирилган имкониятлардан унумли фойдалана олишмади. "Бунёдкор" ёшлари эса аксинча, вазиятларни голга айлантиришда муваффақиятли ўйнашди.
Учрашувнинг 71-дақиқасида захирадан майдонга туширилган Жаҳонгир Хўжамов меҳмонларнинг учинчи голига муаллифлик қилди ва ҳисобни йирик кўринишга олиб келди - 0:3.
Беллашувнинг 81-дақиқасида Сардор Азимов "Бунёдкор"нинг навбатдаги ҳужумини самарали якунлади - 0:4.
Ўйин тугаши олдидан эса Эргаш Исмоилов ҳисобни янада йириклаштирди ва учрашувдаги якуний натижани ўрнатди - 0:5.
Шу тариқа жамоамиз ёшлари бу ўйинда рақибларига имкониятни бой беришди.
Ёшлари лигаси, 27-тур.
"Насаф" - "Бунёдкор" 0:5
Ҳакамлар: Нодир Олим Тўйчибоев, Зуфар Элибоев, Камолиддин Исмоилов, Фирдавс Норсафаров.
Назоратчи: Рашид Айтеков.
Голлар: Вячеслав Пурак (26), Миржамол Қосимов (36), Жаҳонгир Хўжамов (71), Сардор Азимов (81), Эргаш Исмоилов (90)
"Насаф": 1.Алибек Туропов (Музаффар Шарипов, 83), 7.Сирожиддин Қўзиев (Ислом Кенжабоев, 46), 9.Дилшод Хушбаков (Шаҳриёр Имомхўжаев, 77), 10.Ислом Рашидхонов (Сардор Саъдуллаев, 85), 14.Бобир Абдухолиқов, 16.Азиз Ғаниев (Достон Бердиқулов, 65), 27.Акбар Муродов, 33.Ботирхон Тўраев (Ғолиб Ғайбуллаев, 60), 34.Шароф Муҳиддинов, 35.Рахимбек Жавлиев, 38.Дониёр Нарзуллаев (Наврўз Иззатиллаев, 74).
"Бунёдкор": 45.Акбар Тўраев (35.Абдукарим Муҳамедов, 73), 4.Исломжон Қобилов, 7. Нодир Мавлонов (10. Муҳаммадодил Қаҳрамонов, 72), 14.Пурак Вячеслав (Босит Рахимов, 76), 18.Шаҳзод Абдурахимов, 21.Фарҳод Намозов (Жаҳонгир Хўжамов, 64), 23.Георгий Погосов, 28.Хуршид Ғиёсов, 33.Жавоҳир Эсонқулов (Сардор Азимов, 46), 44.Миржамол Қосимов (Сардор Собирхўжаев, 46), 59.Жавоҳир Қаҳрамонов (Эргаш Исмоилов, 59).
Огоҳлантиришлар: Дилшод Хушбаков (9), Фарҳод Намозов (17), Жавоҳир Эсонқулов (30), Шароф Муҳиддинов (54)
