Голландиялик футбол ишқибозлари ўпка саратони касаллигига чалинган терма жамоанинг афсонавий футболчиси Йохан Кройфни қўллаб-қувватлашди. Бу ҳақда “Спорт Экспресс” хабар бермоқда.
3 карра “Олтин тўп” ғолиби шарафига мамлакат чемпионатининг 10-туридан ўрин олган барча учрашувларда ўйиннинг 14-дақиқасида қўллаб-қувватлаш акцияси уюштирилди. Хабарингиз бор, Кройф футболчилик фаолиятининг аксарият даврида айнан “14” рақам остида тўп сурган эди.
Акцияга жума куни “Зволле” ва “Утрехт” жамоалари ўртасидаги учрашувда (1:2) старт берилди. Эътиборлиси, учрашувда ҳисоб айнан 14-дақиқада мезбонлар ярим ҳимоячиси Воутер Маринус томонидан очилди.
Эслатиб ўтамиз, голландиялик собиқ футболчи 20 октябрь куни Барселонада тиббий текширувдан ўтган ва унда ўпка саратони касаллиги аниқланган эди.
