Англия Премьер-лигасининг 10-турида Манчестер дербиси бўлиб ўтади. Ушбу учрашувдан олдин икки клубнинг ёзда «breaking» тарзида сотиб олинган икки трансфери Антони Марсиаль ва Кевин де Брюйненингўзига хос статистикасига нигоҳ ташлаймиз. Қизиқ томони шундаки икки футболчи ҳам янги клублари таркибида ҳозиргача 5 тадан тўп киритишга эришди.

Марсиаль (“МЮ”)

Ёзги трансфер ойнасида «Монако» дан 36 миллион фунт стерлинг эвазига харид қилинган француз футболчисининг дунёнинг энг кучли клубларидан бирида мослашиш жараёни қийин кечмади. Премьер-лигадаги ўзининг дастлабки учрашувида «Ливерпуль» дарвозасига тўп киритган ҳужумчи кейинга турда «Саутгемптон» билан баҳсда дубл қайд этди. Лига кубогида бу сафар «Ипсвич» га гол урган Антони чемпионлар лигасида «ЦСКА» билан ўйинда ўз номини таблога ёздириб қўйиб, ушбу турнирда “қизил иблислар” сафидаги дебют голини киритди. Шунингдек:

· Марсиаль “МЮ” сафида Англия Премьер-лигасида ўзининг дастлабки икки учрашувида тўп киритган уч футболчидан бири( Саа ва Македедан сўнг).

· Марсиаль Премьер-лигада илк уч аниқ зарбасидан бирида гол урди.

· Марсиаль ҳар 135 дақиқада битта тўп киритди ва у бу борада жамоасида иккитадан кўп гол ўрган ягона футболчи.

· Марсиаль “МЮ” таркибида барча турнирларда энг кўп дриблинг ишлатган футболчи(58 марта).

https://www.youtube.com/watch?v=wltj_njeHEQ&feature=player_embedded

Де Брюйне (“Манчестер Сити”)

Ёзги трансфер ойнасида «Вольфсбург»дан 58 миллион фунт стерлинга сотиб олинган бельгиялик футболчи «Манчестер Сити»нинг рекорд трансфери сифатида қайд этилди. Жамоадаги биринчи голини «Вест Хэм»га қарши ўйинда киритган ярим ҳимоячи кейинги голини Лига кубогида «Сандерленд» дарвозасига йўллади. Шу билан бирга у «Тоттенхэм» ва «Ньюкасль» билан ўйинларда ҳам гол киритди ва «Севилья»га қарши баҳсда «шаҳарликлар» таркибида чемпионлар лигасидаги дастлабки тўпини рақиб дарвозасига жойлаб қўйди.

Шунингдек:

· Де Брюйне “Ман Сити” энг кўп имконият яратган футболчи(28 та)

· “Шаҳарликлар” жамоасида Де Брюйнедан кўп голда иштирок этган футболчи йўқ (Агуэрода ҳам 8 гол ва 1ассистентлик бор)

· Ҳар 137 дақиқада битта гол ва бу борада Де Брюйнедан фақат Агуэро олдинда (89).

· Де Брюйне барча турнирларда жамоасининг 9 голида иштирок этди. Ўзи 5 та гол урди ва 4 бор ассистентлик қилди.

https://www.youtube.com/watch?v=KpKohqDWkd8&feature=player_embedded