Бугун тушдан кейин Навоий шаҳрига етиб келган “Локомотив” жамоаси футболчилари эртага ўйин бўлиб ўтадиган стадионда машғулот ўтказишди. Шуни айтиш лозим, олий лига учрашуви бўладиган “Сўғдиёна” ўйингоҳининг майдон ҳолати умуман яхши эмас. Шу боис машғулотга чиққандан сўнг футболчиларимизнинг кайфияти тушиб кетди.
Лекин шунга қарамай, бир соатдан сал зиёдроқ давом этган машғулотда барча астойдил тер тўкиб ҳаракат қилди. Жамоамиз аъзолари эртанги ўйинда фақат ғалабани кўзламоқда. “Темирйўлчилар”нинг мақсади Тошкентга Навоийдан уч очко билан қайтишдир. Эслатиб ўтамиз, эртага ўтказиладиган “Қизилқум” – “Локомотив” баҳси соат 17:00да старт олади. Қуйида бугунги машғулотдан фотосуратларни келтириб ўтамиз.
