Германия бундеслигаси иштирокчиси "Хоффенхайм" жамоасининг ёшлари билан ишловчи 28 ёшли мутахассис Юлиан Нагельсман кейинги мавсумдан бошлаб жамоада бош мураббий сифатида ишлайди. У билан 3 йиллик шартнома тузилган.
Айни вақтда жамоани бошқариб турган Хуб Стивенс билан жорий мавсум сўнгигача битим тузилган.
У жамоада яқинда ишдан бўшатилган собиқ бош мураббий Маркус Гиздолнинг ўрнига вақтинчалик бош мураббий сифатида тайинланганди.
Маълумот учун, Нагелсман 2010 йилда, 23 ёшида жамоада иш бошлаганди.
Қайд этиш керакки, жорий мавсумда "Хоффенхайм" бундеслиганинг 10 туридан кейин 1 ғалаба, 3 дуранг ва 6 мағлубият қайд этган ҳолда (6 очко) 17-ўринни банд этиб турибди.
