“Арсенал” собиқ футболчиси Тьерри Анри аввал “Манчестер Юнайтед”да ҳаракат қилган ярим ҳимоячи Пол Скоулзнинг истеъдоди етарли баҳоланмаганини айтиб ўтди. 

Франциялик таниқли футболчининг сўзларига кўра, Пол Скоулз Англия премьер-лигасининг XXI асрдаги энг яхши ўйинчиси.

– Менимча одамлар Скоулзнинг истеъдоди ва салоҳиятига етарлича баҳо беришмаган. У мен майдонда рақиб сифатида ўйнаган энг яхши футболчилардан бири, агар энг зўр ўйинчи унинг ўзи бўлмаса. У майдонда истаган ишини қила оларди. Агар мен тузган жамоада Скоулз бўлганида клуб ўйинини унинг атрофига қурардим, - дея Анри сўзларини келтиради Sky Sports га таяниб Спорт Экспресс.