«Милан» клуби бош мураббийи Синиша Михайлович Италия чемпионатининг 10-тур доирасидан ўрин олган «Кьево»га(1:0) қарши учрашувидан сўнг ўз фикрларини билдирди.
«Биз рақибга дарвозамиз олдида хавфли вазиятлар яратишга деярли имкон бермадик. Жамоа футболчилари ниҳоят дарвозамиз дахлсизлигини сақлаб қола олишди ва бу жуда яхши кўрсаткичдир.
Ўйинда яна гол уришимиз мумкин эди. Аммо, битта гол билан кифояландик. Муҳими ғалаба қозондик. «Милан» ўтган мавсумдан буён таъқиб қилиб келаётган хавотирларни енгиб ўта олди.
Истеъфо? Бундай миш-мишларга эътибор қаратмайман. Биз ривожланишда давом этяпмиз ва жароҳатланган футболчилар сафга қайтса, ғалабалар янада кўпаяди, — деди мутахассис.