"Ливерпуль" бош мураббийи Юрген Клопп кеча тунда Лига кубоги доирасида янги жамоаси билан илк ғалабани қўлга киритди. "Борнмут"га қарши кечган баҳсда "қизиллар" минимал ҳисобда зафар қучишди.
Энди мураббий бор диққат-эътиборини шанба куни бўлиб ўтадиган Англия чемпионати 11-турида "Челси"га қарши ўтадиган марказий баҳсга қаратмоқчи. Ушбу баҳсда майдонга тушадиган жамоа таркиби ҳақида тўхталиб ўтди.
– Ўйлайманки, бу баҳсда Кристиан Бентеке майдонга тушади, – дейди "қизиллар" устози. – У ҳозирда жароҳатидан деярли фориғ бўлган. Дэнни Ингс ва Даниэль Старриж эса ўтказиб юборади. Аммо Бентеке жамоага ёрдам бериши мумкин. Шунингдек, Коло Туренинг ўйнаши сўроқ остида турибди. У текширув натижаларини кутишга мажбур. Жаоа Тейшейра ва Натаниаль Клайн кечаги баҳсда ажойиб ўйин кўрсатишди ва фантастик гол уришди. Кейинги баҳсда ҳам йигитлардан ёрқин ўйин кутиб қоламан.
Эслатиб ўтамиз, "Челси" - "Ливерпуль" баҳси 31 октябрь куни Тошкент вақти билан 17:45 бошланади.