“Тарихнинг бугунги санаси” рукни давом этади. Бу галги лойиҳамиз қаҳрамони Андрес Иньеста.
“Барселона” ярим ҳимоячиси Андрес Иньеста Каталон клубидаги биринчи ўйинига бугун 13 йил бўлди. Испания терма жамоаси аъзоси дастлабки беллашувини ЕЧЛда “Брюгге”га қарши ўтказган. Мазкур баҳсда “кўк анор рангликлар” меҳмондан уч очко олиб қайтишганди. Андрес Иньеста учрашувнинг дастлабки дақиқаларидан майдонга тушиб, 90 дақиқа ҳаракат қилган.
Андрес Иньеста 1984 йил 11 майда Испаниянинг Фуэнтеальбилья шаҳарчасида туғилган. У “Барселона” таркибида ҳаракат қилганидан бери клуб билан эришиши керак бўлган барча совринларни қўлга киритган. Шунингдек, Испания терма жамоаси билан 2 марта Европа ва бир бор Жаҳон кубогини боши узра баланд кўтарган.
