«Сўғдиёна»-«Олмалиқ» (1:0) учрашувидан кейин ташкиллаштирилган матбуот анжуманида мезбонлар бош мураббийи Даврон Файзиев иштирок этди.

— Ўйин ҳар доимгидек асабий, қўпол ҳатолар остида ўтди. Яхшиямки, бугун омад бизга кулиб боқди. Ростини айтсам бундай асабийлашишда, гапиролмай ҳам қолаяпман. Бугун жуда қийин ўйин бўлди. Олтинга тенг очкони қўлга киритдик. Қолган ўйинларда ҳато қилишга ҳаққимиз йўқ. 29-турдан 30-тургача икки ҳафта танаффус. Бу орада қайси жамоа қандай тайёргарлик олиб борса ўша жамоа мавсумни яхши натижалар билан тугатиши мумкин. Шогирдларим билан «тарбиявий соат» ўтмаса бўлмайдиган бўлиб қолди. Юта туриб «қизил» олиб чиқиб кетиш… Умуман олганда огоҳлантиришлар кўпайиб бормоқда. Тўғри, «Қўқон-1912» жамоасида бизнинг бир қатор собиқ футболчиларимиз ҳаракат қилишади. Бу футбол — бир жамоада ўйнаган футболчи бошқа жамоада ҳам ўнайди. Ҳеч ким олдиндан у ўйин ундай, бу ўйинда бундай ўйин кўрсата оламиз деб айта олмайди. Майдонда ҳамма нарса ўзгариб кетиши мумкин. Футболдаги таҳминлар баъзида ўзини оқласа, баъзида оқламаслиги мумкин.