«Пари Сен-Жермен» бош мураббийи Лоран Блан Европа чемпионлар лигаси доирасида «Реал»га қарши 4-тур ўйини олдидан ўз фикрларини билдириб ўтди.

«Парижда рақибимиз тўпни бизга нисбатан яхшироқ назорат қилди, «Реал» тезроқ ўйнади. Эртага барчаси бошқача бўлади.

Мақсадимиз – «Реал»ни ютиш, лекин бу нарса бизнинг келажагимизга ҳеч қандай таъсир кўрсатмайди. Ўтган йили гуруҳ босқичида «Барселона»ни мағлуб этгандик, аммо ярим финалга чиқа олмагандик.

«Реал» жипслашган ҳолда ўйнайди. Париждаги ўйинда улар ҳимояда яхши ҳаракат қилишди. Биз ҳали уларнинг савиясига етмаганмиз, аммо яхши ўйнадик.

Бизда жароҳатлар билан боғлиқ муаммолар бор, аммо мадридликлар ҳам шундай ҳолатда. Биз учун 0:0 ҳисоби етарли бўлмайди. Биз рақибни ҳурмат қиламиз, аммо биз бу ерга ўз ўйинимизни намойиш қилгани келдик. Ғалаба қозониш учун бизда техник ва жисмоний имкониятларимиз етарли», – дейди Блан.