Барчангизга маълум, UZREPORT телеканали ЕЧЛ трансляциясини олиб кўрсатиш имконига эга бўлган. Ҳўш, бугун қайси баҳс намойиш этилади?

Телеканалнинг маълум қилишича, бугун гуруҳ босқичининг 4-туридан ўрин олган муҳим учрашувни трансляция қилишни режалаштирган. Бу, албатта, куннинг марказий беллашуви “Реал Мадрид” ва ПСЖ қарама-қаршилигидир.

Эслатиб ўтамиз, бу беллашув 00:45 да старт олади. Томонларнинг Париждаги баҳсида 0:0 ҳисоби қайд этилганди.

5 ноябрь куни эса “Бавария” – “Арсенал” баҳси тўғридан-тўғри эфирда намойиш этиш режалаштирилган.

Бу жамоаларнинг Англиядаги ўйинида Арсен Венгер шогирдлари рақиблари дарвозасига жавобсиз 2 та тўп йўллаб, муҳим 3 очкони қўлга киритишганди.