“Бавария” клубининг собиқ президенти Ули Хёнесс 2016 йилнинг 2 март куни қамоқдан озодликка чиқиши мумкин. Бу ҳақда Еuro-football.ru Sport1.de порталига таяниб хабар тарқатди.
Эслатиб ўтамиз, немис грандининг собиқ раҳбари давлатдан 28,5 миллион еврони яширганликда айбланиб, 2014 йилнинг 13 мартида Мюнхен шаҳар суди томонидан 3 йилу 6 ой муддатга озодликдан маҳрум этилганди.
Германия қонунчилигига кўра жазо муддатининг ярми ўталгач айблов тўхтатилиши ва жазо синов муддатига алмаштирилиши мумкин.
Маълум бўлишича, айни вақтда 63 ёшли Хёнессга ҳафта мобайнида беш кунга иш вақтида қамоқни тарк этишга рухсат берилган. У кун давомида қамоқ ташқарисида иш билан шуғулланиши мумкин, аммо тунда у ерга албатта қайтиб келиши шарт.
Хёнесс бугунги кунда ҳам “Бавария” тизимида қолган бўлиб, у мюнхенликларнинг ёшлар жамоаси билан бирга ишлаб келмоқда.
