Мадриднинг "Реал" жамоаси 4-турдан кейин плей-офф тақдирини ҳал қилди. "ПСЖ"га қарши ўйинда Рафаэль Бенитес шогирдлари минимал ҳисобда ғалаба қозонишди.
"Сантьяго Бернабеу"даги учрашувнинг дастлабки дақиқаларида, умуман олганда, биринчи бўлими давомида парижликлар катта устунликка эга бўлишди ва жуда кўплаб вазиятларни кўкка совуришди. Жумладан, Иброҳимовичнинг иккита зарбасига бироз аниқлик етишмади. Кавани йўллаган зарба устунга тегиб қайтган бўлса, бўлим сўнгида Эдисон дарвозабон билан яккама-якка вазиятдан фойдалана олмади.
Ўйиндаги ягона гол эса "ПСЖ" дарвозабони Траппнинг хатосидан сўнг урилди. Посбон рекошет ҳолатида майдонни тарк этиши кутилаётган тўпни майдонда олиб қолиш учун югурди, аммо Начо тўпга биринчи бўлиб етиб борди ҳамда ўткир бурчак бўш қолган дарвозани ишғол қилди. Ушбу ҳимоячи ушбу вазиятдан икки дақиқа олдин жароҳат олган Марселонинг ўрнига туширилганди.
Иккинчи бўлимда "Мадрид" ҳам ҳимоя, ҳам ҳужумда ишончли ўйнади ва баҳсни ғалабагача етказа олди. Ўз очколарини 10тага етказган Бенитес жамоаси муддатидан аввал плей-офф йўлланмасини қўлга киритди.
"Шахтёр" ва "Мальмё" жамоалари ўртасидаги ўйинда донецкликлар ўз ҳисобларига дастлабки 3 очкони қўшишди.
Шахтёр Украина – Мальмё Швеция 4:0 (1:0, 3:0)
Голлар: 1:0 – 29 Гладкий, 2:0 – 48, пенальти Срна, 3:0 – 55 Эдуардо, 4:0 – 73 Тейшейра.
Шахтёр – Каниболоцкий, Кучер, Азеведо, Срна, Ракицкий, Фред (Тайсон, 69), Степаненко, Тейшейра, Марлос, Бернард (Коваленко, 75), Гладкий (Эдуардо, 46).
Мальмё – Виланд, Бенгтссон, Конате, Тиннерхольм, Арнасон, Родич, Левицки (Ракип, 11), Аду, Бергет (Йотун, 46), Журжич (Эйкрем, 74), Розенберг.
Огоҳлантиришлар: Арнасон (47), Йотун (47), Степаненко (61), Срна (68), Кучер (88), Тейшейра (90).
Четлатиш: Арнасон (89).
Реал Мадрид Испания – ПСЖ Франция 1:0 (1:0, 0:0)
Гол: 1:0 – 35 Начо.
Реал Мадрид – Навас, Варан, Марсело (Начо, 33), Данило, Рамос, Модрич, Каземиро, Иско (Ковачич, 82), Кроос, Хесе (Васкес, 63), Роналду.
ПСЖ – Трапп, Тиаго Силва, Максвелл, Орье, Давид Луиз, Верратти (Рабьо, 17), Мотта, Матюиди (Лукас, 75), Ди Мария, Кавани, Иброҳимович.
Огоҳлантиришлар: Орье (45), Давид Луиз (67), Каземиро (88), Навас (90).
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Реал Мадрид | 4 | 3 | 1 | 0 | 7-0 | 10 |
| 2 | ПСЖ | 4 | 2 | 1 | 1 | 5-1 | 7 |
| 3 | Шахтёр | 4 | 1 | 0 | 3 | 4-8 | 3 |
| 4 | Мальмё | 4 | 1 | 0 | 3 | 1-8 | 3 |
