“Насаф” – “Пахтакор” 0:1 учрашувидан сўнг матбуот анжумани бўлиб ўтди. Матбуот анжуманининг дастлабки қисмида “Пахтакор” жамоаси мураббийи Нўъмон Ҳасанов ўйин ҳақидаги фикрлари билан ўртоқлашиб, журналистлар саволларига жавоб берди.

Нўъмон Ҳасанов: – Бугун ўз жамоам тўғрисида гапирмоқчиман. Бугун йигитлар жуда ажойиб ўйин кўрсатишди. Барча кўрсатмаларимни майдонда тўлиқ бажаришди.

-Бу йилги чемпионликда сизнингча кимнинг ҳиссаси кўпроқ, сизними ёки С.Бабаянними?

-Ҳали чемпионликни тўлиқ қўлга киритганимиз йўқ, олдинда яна бир ўйинимиз бор. Албатта Бабаянни жамоанинг ютуқларида ҳиссаси кўпроқ.

-Сизларда молиявий аҳвол оғирми, ҳанузгача жамоангиз ямалган формада майдонга тушишмоқда

-Бу молиявий аҳволга боғлиқ эмас, ҳомийларимиз бизга яхши ёрдам беришмоқда. Энди шундай бўлиб қолган, менимча бунга урғу бериш шарт эмас.

-Сиз аввал “Насаф”да ўйнагансиз, сизнингча “Насаф”га нима етишмаяпти?

-Биз ўйнаган давр билан ҳозирги даврни таққослаб бўлмайди, ҳозирги ўйин тактикаси ҳам, ўйинчиларнинг жисмоний ҳолатида ҳам фарқ катта. “Насаф”нинг бугунги ҳолатини мухлислар яхшироқ баҳолайди.

-Сизнингча “Пахтакор”га мавсум охирида қандай жазо бўлиши мумкин?

-Қандай жазо бўлишини мен билмайман, ҳар қандай жазога тайёрмиз. Лекин “Пахтакор”ни жазолаш нотўғри деб, ҳисоблайман. Биз шубҳали ўйинларда иштирок этмаганмиз.