"Барселона" жамоаси бош мураббийи Луис Энрике ЕЧЛ доирасида БАТЭга қарши кечган учрашув (3:0) дан кейин фикрларини билдириб ўтди.
"Чемпионлар лигасида ғолиб чиқиш ҳамиша қийин бўлиб келган. Бу ўйиндаги ғалаба орқали биз аҳволимизни анча яхшиладик. Ўйиндаги ягона нохуш ҳодиса Ракитич жароҳат олгани билан боғлиқ вазият. У кейинги ўйинларни ўтказиб юбориши аниқ. Лекин у тезроқ тикланишига умид қиламан.
Бизда ҳозирда жароҳатлардан сақланишда ишлар кўнгилдагидек эмас.
Шогирдларим бу ўйинда ғалаба қилгани, гол ўтказмагани ва 3 очко олганидан хурсандман. Бускетс ўйинни аъло даражада ўтказди.
Албатта бизга Месси етишмади. Аммо аввал ҳам айтганимдек, бизда иқтидорли футболчилар етарли. Ҳозир Месси ҳақида гапиришга ҳожат йўқ, биз усиз ҳам ажойиб ўйин намойиш қилмоқдамиз ва ғалабаларга эришмоқдамиз", - дейди Луис Энрике.
