Франция терма жамоаси бош мураббийи Дидье Дешам ҳужумчи Карим Бензема ҳамда ярим ҳимоячи Матье Вальбуэнанинг чақирув олмаганлари сабабини изоҳлади.
“Бензема билан душанба куни гаплашдим ва у “Реал” таркибида машғулотлар ўтказмаганини тан олди. Каримнинг жароҳати бор.
Шантаж борасидаги вазият ҳақида ҳеч нарса билмайман, шунинг учун бу борада хулосани суд вакиллари беришгани маъқул.
Вальбуэнанинг руҳий ҳолати яхши эмас, шу сабабли унга хотиржам нафас ростлаши учун имконият бердим.
Бензема тушиб қолган вазият борасида фикр билдира олмайман, бу каби саволларни менга беришда мантиқ йўқ”, – дея Дешам сўзларини келтиради GFFN нашрига таяниб Sports.ru.
