Халқаро футбол уюшмаси (ФИФА) “Йилнинг энг чиройли голи” соврини учун номзодлар номини эълон қилди.

Ушбу рўйхатдан 2014 йилнинг 27 сентябридан 2015 йилнинг 23 сентябригача тўп киритган 10 нафар ўйинчи жой олган.

ФИФА расмий сайтига кўра, шорт-лист қуйидагича кўриниш касб этган:
1) «Флитвуд» ҳужумчиси Дэвид Боллнинг «Престон» дарвозасига урган голи;
2) «Реал Сосьедад» ярим ҳимоячиси Чори Кастронинг «Депортиво» дарвозасига урган голи;
3) «Рома» ярим ҳимоячиси Алессандро Флоренцининг «Барселона» дарвозасига урган голи;
4) «Атлетико Гояньенсе» ўйинчиси Венделланинг «Гоянезия» дарвозасига урган голи;
5) АҚШ аёллар терма жамоаси ҳужумчиси Карли Ллойднинг ЖЧ финалида Япония дарвозасига урган голи;
6) «Барселона» ҳужумчиси Лионель Мессининг Испания кубоги финалида «Атлетик» дарвозасига урган гол голи;
7) «Милан» ҳимояичиси Филипп Мексеснинг «Интер»га қарши ўртоқлик ўйинида урган голи;
8) «Падерборн» ҳимоячиси Марсель Ндженгнинг «Болтон»га қарши ўртоқлик ўйинида урган голи;
9) «Эредиано» ўйинчиси Эстебан Рамиреснинг Коста-Рика чемпионати доирасида «Депортиво Саприсса»га қарши ўйинда урган голи;
10) «Ювентус» ҳужумчиси Карлос Тевеснинг Италия чемпионати доирасида «Парма» дарвозасига урган голи.

Мухлислар ФИФА расмий сайтига ўтиб, ушбу голларга ўз овозларини беришлари мумкин. Асосий 3 даъвогарнинг номи 30 ноябрда элон қилинади.

Эслатиб ўтамиз, ўтган йили Хамес Родригеснинг ЖЧ-2014 1/8 финалида Уругвай терма жамоаси дарвозасига киритган тўпи “Йил голи” деб эътироф этилганди.